तेल्हाऱ्यात प्रा. आदिती पोहरे यांच्या उपस्थितीत ‘शिक्षक संवाद बैठक’ उत्साहात संपन्न!
तेल्हाऱ्यात प्रा. आदिती पोहरे यांच्या उपस्थितीत ‘शिक्षक संवाद बैठक’ उत्साहात संपन्न!
विजय घोडे आवाज न्यायाचा प्रतिनिधी स्टार भारत लाईव्ह एक्सप्रेस
तेल्हारा : अमरावती शिक्षक मतदारसंघाच्या आगामी निवडणुकीच्या पार्श्वभूमीवर तेल्हारा शहरातील माहेश्वरी भवन येथे रविवार, दि. ११ ऑक्टोबर २०२६ रोजी ‘शिक्षक संवाद बैठकी’चे आयोजन करण्यात आले होते. काँग्रेसच्या अधिकृत उमेदवार प्रा. आदिती ऋषिकेश पोहरे यांच्या उपस्थितीत पार पडलेल्या या बैठकीला शिक्षक-शिक्षिकांसह काँग्रेस पदाधिकारी, कार्यकर्ते व विविध क्षेत्रांतील मान्यवरांची मोठ्या संख्येने उपस्थिती होती.कार्यक्रमाच्या प्रारंभी देशातील महामानवांच्या प्रतिमांना पुष्पहार अर्पण करून अभिवादन करण्यात आले. त्यानंतर प्रा. आदिती पोहरे यांनी उपस्थित शिक्षक मतदारांशी संवाद साधत त्यांच्या समस्या, अपेक्षा आणि विविध शैक्षणिक प्रश्नांबाबत चर्चा केली. आगामी निवडणुकीत शिक्षकांच्या हिताला प्राधान्य देत सद्सद्विवेकबुद्धीने मतदान करण्याचे आवाहन त्यांनी यावेळी केले.शिक्षकांच्या प्रश्नांवर संवादशिक्षकांच्या प्रलंबित मागण्या, जुनी पेन्शन योजना तसेच शिक्षण क्षेत्राशी संबंधित विविध प्रश्नांना या निवडणुकीच्या पार्श्वभूमीवर महत्त्व प्राप्त झाले आहे. शिक्षकांच्या प्रश्नांना योग्य व्यासपीठ मिळावे आणि त्यांच्या अपेक्षा जाणून घेता याव्यात, या उद्देशाने या संवाद बैठकीचे आयोजन करण्यात आले होते.बैठकीत उपस्थित मान्यवरांनी आपले मनोगत व्यक्त करत प्रा. आदिती पोहरे यांच्या शैक्षणिक व सामाजिक कार्याचा उल्लेख केला. तसेच आगामी निवडणुकीत त्यांना पाठिंबा देण्याचे आवाहन केले.शिक्षकांसह मान्यवरांची उपस्थितीया बैठकीला तेल्हारा परिसरातील शिक्षक, शिक्षिका, पत्रकार, काँग्रेस पक्षाचे पदाधिकारी व कार्यकर्ते तसेच सामाजिक क्षेत्रातील कार्यकर्ते मोठ्या संख्येने उपस्थित होते. कार्यक्रमाचे सूत्रसंचालन काँग्रेसचे प्रशांत देशमुख यांनी केले, तर ॲड. संदीप देशमुख यांनी उपस्थितांचे आभार मानले.अमरावती शिक्षक मतदारसंघाची निवडणूक दि. २३ ऑक्टोबर २०२६ रोजी होणार असल्याने या बैठकीच्या माध्यमातून शिक्षक मतदारांशी थेट संवाद साधण्यावर भर देण्यात आला.
