डॉ. राजेंद्र शिंगणे बुलढाणा जिल्हा मध्यवर्ती बँकेवर बिनविरोध; सिंदखेड राजा मतदारसंघातून मारली बाजी!

स्टार भारत लाईव्ह एक्सप्रेस

प्रतिनिधी; शंकर शिवरकर

देऊळगाव राजा:बुलढाणा जिल्हा मध्यवर्ती सहकारी बँकेच्या संचालक मंडळाच्या पंचवार्षिक निवडणुकीत (२०२६-३२) मोठी राजकीय घडामोड घडली आहे. बँकेचे माजी अध्यक्ष आणि माजी मंत्री डॉ. राजेंद्र शिंगणे यांची सिंदखेड राजा कृषी पतपुरवठा संस्था मतदारसंघातून संचालकपदी बिनविरोध निवड झाली आहे.जिल्ह्याच्या सहकार आणि राजकीय क्षेत्रात अत्यंत प्रतिष्ठेच्या मानल्या जाणाऱ्या या निवडणुकीत डॉ. शिंगणे यांच्या बिनविरोध निवडीमुळे त्यांच्या समर्थकांमध्ये उत्साहाचे वातावरण आहे.प्रतिस्पर्धी उमेदवाराची माघारनिवडणूक निर्णय अधिकाऱ्यांनी जाहीर केलेल्या वैध उमेदवारी अर्जांच्या यादीत सिंदखेड राजा मतदारसंघातून डॉ. राजेंद्र शिंगणे आणि दत्तात्रय विनायकराव देशमुख यांचे अर्ज पात्र ठरले होते. त्यामुळे या मतदारसंघात लढत होण्याची शक्यता वर्तवली जात होती. मात्र, राजकीय घडामोडींनंतर दत्तात्रय विनायकराव देशमुख यांनी आपला उमेदवारी अर्ज मागे घेतला. परिणामी, डॉ. शिंगणे यांच्या निवडीचा मार्ग मोकळा झाला आणि निवडणूक निर्णय अधिकाऱ्यांनी त्यांच्या अविरोध निवडीवर शिक्कामोर्तब केले.सहकार क्षेत्रात शिंगणे यांचे वर्चस्व कायमडॉ. राजेंद्र शिंगणे यांचा जिल्हा बँक आणि जिल्ह्यातील सहकार क्षेत्रावर मोठा प्रभाव आहे. त्यांच्या या बिनविरोध निवडीमुळे सिंदखेड राजा तालुक्यातील त्यांचे राजकीय वर्चस्व पुन्हा एकदा सिद्ध झाले आहे. जिल्हा बँकेच्या सत्ताकारणात ही निवड अत्यंत महत्त्वाची मानली जात आहे.उर्वरित जागांकडे जिल्ह्याचे लक्षडॉ. शिंगणे यांच्या रूपाने बँकेला पहिला संचालक मिळाला असला, तरी बँकेच्या इतर संचालकपदांच्या जागांसाठी अद्याप राजकीय चुरस कायम आहे. आगामी काळात उर्वरित मतदारसंघांमध्ये काय घडामोडी घडतात आणि बँकेची सत्ता कोणाच्या हातात जाते, याकडे आता संपूर्ण बुलढाणा जिल्ह्याचे लक्ष लागले आहे.