पोलीस अधीक्षकाकडून स्ट्रॉंग रूमची पाहणी. प्रतिनिधी. गजानन खिल्लारे.
देऊळगाव राजा: सार्वत्रिक निवडणूक २०२५ करिता नगरपरिषद (देऊळगाव राजा) येथे स्थापन करण्यात आलेल्या स्ट्रॉंग रूमची पोलीस अधीक्षक निलेश तांबे यांनी प्रत्यक्ष पाहणी करून सुरक्षा व्यवस्थेचा आढावा घेतला.
पाहणी दरम्यान स्ट्रॉंग रूम परिसरातील त्रिस्तरीय सुरक्षा व्यवस्था, पोलीस बंदोबस्त, प्रवेश नियंत्रण नोंदवही, सीसीटीव्ही निरीक्षण प्रणाली, २४ बाय ७ सुरक्षा पथक यांची सविस्तर तपासणी करण्यात आली. तसेच स्ट्रॉंग रूम परिसरातील फायर सेफ्टी, बॅरिकेटिंग, प्रकाश व्यवस्था आणि निवडणुकी संबंधित संवेदनशील साहित्याचा सुरक्षेबाबतही निर्देश देण्यात आले. संबंधित अधिकारी व कर्मचाऱ्यांना निवडणूक आयोगाच्या मार्गदर्शक सूचनानुसार सुरक्षितता आणि शिस्तबद्धता काटेकोरपणे पाळण्याच्या सूचना दिल्या. त्यांनी संपूर्ण निवडणूक प्रक्रिया शांततापूर्ण, निष्पक्ष व पारदर्शक पद्धतीने पार पाडण्यासाठी आवश्यक त्या सूचना पोलीस यंत्रणेला दिल्या.
या पाहणी दरम्यान उपविभागीय पोलीस अधिकारी ,निवडणूक निर्णय अधिकारी, सहाय्यक निवडणूक निर्णय अधिकारी, तसेच नगरपरिषद प्रशासन उपस्थित होते. सदर पाहणीत सुरक्षा व्यवस्था समाधानकारक असल्याने नमूद करण्यात आले असून, आगामी निवडणूक प्रक्रियेत कुठलीही सुरक्षाविषयक तडजोड होणार नाही, असे आश्वासन पोलीस विभागाकडून देण्यात आले. यावेळी उपविभागीय पोलीस अधिकारी मनीषा कदम, ठाणेदार ब्रह्म गिरी उपस्थित होते.
